وقلت اعيش من غير ذكرى ...تخلّي قلبي يحن اليـــك

هجرتك يمكن انسى هواك ....واودع قلبك القـــــاسي

وقلت اقدر في يوم اسلاك ....وأفضي من الهوى كاسي

لقيت روحي في عز جفاك ...بتفكر فيك وانا نــــاسي

غصبت روحي على الهجران ...وانت هواك يجري في دمي

وفضلت افكر في النسيان ...لما بقى النسيــــان همي

لو خطر حبك في بالي ....وللا زار طيفك خيــــــــــالي

حاولت اهرب من الأفكار ...اللي تشعلل نـــــــــار حبي

وفضلت وانا بالي محتار ...في الحب بين عقلي وقلبي

صعبان علي جفاك ....بعد اللي شفته في حــــــــــــبك

مش قادر انسى رضاك ... ايام ودادك وقــــــــــــــــربك

لكن اعمل ايه وانا قلبي ... لسه صعبان عليـــــــــــــــه

صعبان علي انه تمنى ... جنــــــــــــــة قربــــــــــــــك

ونال مراده واتهنى ... بنعيـــــــــــــــم حبـــــــــــــــك

ورجعت تسقيه من صدك ... كـــــــــاس الهجـــــــــــران

وتفوت عليه ايام بعدك ... سهــــــــــــد وحرمــــــــــان

ياما حاولت انســــــاك ...وانسى ليالي هـــــــــــــواك

وانسى الجــــمال اللي ... شفته في الوجود ويــــــاك

حرمت روحي من كل نسمه ... كانت بتسري بينك وبيني

وحرمت روحي من كل نعمه . كانت بتحلى وياك في عيني

وقلت اعيش من غير ذكرى ...تخلّي قلبي يحن اليـــك

مافضلش عندي ولا فكره ... غير اني انسى افكر فيك

واصبحت بين عقلي وقلبي ...تــــــايه حيــــــــــران

واقول لروحي من ضعفي .... إنسي النسيـــــــــان

--------------------------------------------------------------------------------