^_^ ^_^ خليك واقعى بقى خنقتنى ^_^ ^_^

هاااااااايز يا معلمين ...!

موضوعى النهارده ممكن فيه نبره تهييس بس هاكتبه وامرى لله

خليك واقعى

الكلمه دى اقصد بيها احنا

الشباب او الفئه العمريه الحاليه

يعنى كل واحد مننا لازم نبقى واقعى

طبعا فى اغلب التوبكات فى حالات الحب فى حياتك بتتاثر بالافلام والاغانى

وفى ناس كتير بتعالج حياتها بحاله سابقه من قبل

يعنى واحد اتفرج على فيلم مثلا واحد من الناس عرف ان الحكومه دى كلها كوسه وكله من تحت الطربيزه وقالك ماهى الدنيا كلها كده انا اقرف نفسى واتعب ليه

ولا واحد تانى يتفرج على فيلم رومانسى 2 بيحب 3 فى وقت واحد يقول لنفسه وليه مش اجرب

والتانى يقول للاول شوفت حصل ايه فى فيلم كذا ماتيجي نعمل زى ماعملو

واللى يتفرج على مشهد يفكره بحاجه حصلتله يخنق نفسه ويعمل نفسه مخنوق ويقولك كل الظروف ضدى

واللى يسمع اغنيه حزينه يفضل سرحان وهكذا

طيب للدرجه دى الافلام والاغانى والتمثيل اثر فيكو اكتر من دينكو وحياتكو

طيب الدين بيجبلك امثالك وانا متاكد ان نادر اوى لما الاقى حد يتاثر بالحاجات اللى حصلت فى حياه الصحابه والانبياء زى ما بيتاثر بالسهوكه بتاعت اليومين دول

عالاقل القرب من ربنا بيحل ليك مشاكل الدنيا وما فيها

طيب انت ليه مش تبص لنفسك شويه فى المرايه وتقول لنفسك

انا ايه اللى بعمله فى نفسى ده

انا متغير كده ليه

انا ليه بتاثر بكل حاجه بشوفها وبحاول اقلد اى حاجه

لانك ببساطه شخص تافهه مش عندك اى اراده تقدر تعالج بيها نفسك وتحدد لنفسك انت عاوز ايه

انت عاوز تفضل عايش فى اوضه وقافلها على نفسك

تسمع المسخره واللى يجاريك فى كلامك واللى مش يعارض كلامك ويكون موافق كلامك

والكلام الصحيح واللى بينتقدك بيبقى كلام وحش اوى وممكن تخسر اى انسان يكون واقعى معاك

من الاخر احنا جيل فاشل

وفعلا صدق اللى قال كده وعنده حق

وكل جيل ليه عيوبه بس العيب لو مش هنلاقيله علاج هايزيد مع كل جيل بيجي

وهايبقى كل جيل اوسخ من اللى قبله

طيب احنا ليه مش بنفكر فى احنا بنعمل ايه قبل ما نعمله

كتير بنقع فى الغلط بس معظمنا بيفضل نايم فى غلطه ومش بيبص حتى لنفسه هايعمل ايه

ولا هايحاول يصحح اللى عمله ده ولا يسيبه لحد ما يموت

ويتفرجله على كام فيلم ولا مسلسل ولا يسمعله كام اغنيه ويعمل فيها الشاب الوحدانى اللى متعذب

والدنيا جايه عليه

لو فاكر ان الدنيا بتيجي عليك انت لواحدك تبقى غلطان

الدنيا عمرها ما كانت باقيه على حد

اللى بقى عليك اللى فوق

مش الحيطه مالك متسرع اوى كده ليه

اللى خلقه هو الوحيد اللى باقى عليك

والدنيا بتيجي عالكل بس مش كلنا بنفضل عايشين الدور اكتر من اللازم ونفضل نتاثر نتاثر نتاثر

من غير ما ناخد خطوه واحده صح

حاول تاخد خطوه واحده صح

صدقنى هاتعرف وهاتقدر

لانك كنت اقوى بكتيير فى حاجات مريت بيها صعبه ويمكن عديت منها من غير ماتكون حاسس

وبس خلص الكلام بس مش خلص الموضوع وهايفضل شغال

اشوفكو قريب تانى ان شاء الله